Christianity : Sunday’s School Skit

Image result for Love of jesus

பின் குரல் :

 

ஏழு கடல், ஏழு மலை தாண்டிய ஒரு நாட்டில் ஒரு மன்னர் இருந்தார். ரொம்ப அன்பான மன்னர். தன்னுடைய மக்களை மனதார நேசித்த மன்னர் அவர். தனது அரண்மனையில் உள்ள வேலைக்காரர்கள் எல்லோரையும் அவர் மிகுந்த அன்புடன் நடத்தினார். அவர்கள் என்ன வேலை செய்கிறார்கள் என்பதை வைத்து அவர் பாகுபாடு காட்டவேயில்லை. அவருடைய பார்வையில் எல்லோரும் சமம்.

நபர் 1 : நான் கட்டுமானப் பணி செய்வேன். அரண்மனையை மாற்றி அமைக்கிறது, எக்ஸ்ட்ரா ரூம்ஸ் கட்டறது எல்லாம் என்னோட வேலை.

நபர் 2 : கட்டி வெச்சுட்டா போதுமா ? அதை சுத்தப்படுத்தறது நான் தான். வீடு பளிச் பளிச்சுன்னு இருக்கக் காரணமே நான் தான்.

நபர் 3 : எல்லாருக்கும் சாப்பிடணும்ல, அதுக்கு பிரட் தயார் பண்றது நான் தான். பசியை அடக்கறது தானே முக்கியம்

நபர் 4 : அந்த பிரட் சுவையா இருக்கணும்ல. அதுக்காக ஸ்பெஷல் வெண்ணை தயாரிக்கிறது நான் தான்.

நபர் 5 : வீடாச்சு, சாப்பாடாச்சு அப்புறம் என்ன ? நல்ல டிரஸ் வேணும்ல. அதை பண்றது நான் தான். ஸ்பெஷல் டெய்லர்.

நபர் 6 : நான் கூடாமாட ஒத்தாசை செய்றவன். ஒரு கையாள் மாதிரி. யாருக்கு என்ன தேவைன்னாலும் ஒரு குரல் கொடுத்தா வந்து நிப்பேன்.

 

 

பின் குரல் 2

வேலைக்காரங்க இப்படி பேசிக்கிட்டாலும் மன்னரைப் பொறுத்தவரைக்கும் எல்லாருமே சமம் தான். அது தோட்ட வேலை செய்றவரா இருந்தாலும் சரி, தன்னோட தங்கத்தை பராமரிக்கிறவர் ஆனாலும் சரி. மந்திரி ஆனாலும் சரி, மாடு மேய்க்கிறவன் ஆனாலும் சரி. பெரியவன், சின்னவன், ஆண், பெண், சின்னவன், பெரியவன் அப்படி எந்த பாகுபாட்டையுமே பார்க்க மாட்டார்.

 

நபர் 1 : அரண்மனை வேலை இல்லாத நேரத்துல நான் வீட்டு வேலைகள் தான் செஞ்சிட்டு இருப்பேன்.

நபர் 2 : நான் வீட்ல நிக்கிற ஆடுகளையெல்லாம் மேய்ப்பேன். ஆடுகளை குளிப்பாட்டி விடுவேன்.

நபர் 3 : நான்… நல்ல டேஸ்ட்டா சமைச்சு சாப்பிடுவேன். என் தோட்டத்திலயே தயாரான பிரஷ் காய்கறிகளை வெச்சு சமையல் செய்வேன்.

நபர் 4 : நான் காட்டுக்கு மரம் வெட்ட போய்டுவேன். மரம் வெட்டி கொண்டு வர விறகை வித்து கொஞ்சம் காசு சம்பாதிப்பேன்.

நபர் 5 : நான் வித்தியாசமானவன். தங்க வேட்டைக்கு போயிடுவேன். அதோ அந்த மலைக்கு உச்சில புதையல் வேட்டை நடத்துவேன்.

நபர் 6 : நான் எங்க ஊர்ல இருக்கிற மக்களுக்கு ஏதாச்சும் ஹெல்ப் பண்ண டிரை பண்ணுவேன்.

 

 

பின் குரல் 3

 

ஒரு நாள் அந்த அரண்மனையிலிருந்த சின்னப் பையன் ஒருத்தன் காணாம போயிட்டான். அதை யாரும் கவனிக்கல, ஆனா மன்னர் கவனித்தார். அரண்மனைக்கு தேவையான பழங்கள் வாங்கி வருவது அந்தப் பையன் தான். எல்லோரையும் சமமாய்ப் பாவிக்கும் மன்னனுக்கு சிறுவனைக் காணாததில் ரொம்ப வருத்தம். எப்படியாவது அவனைக் கண்டுபிடிக்க வேண்டும் என நினைத்தான். ஆனால் அரண்மனையிலிருந்த மற்றவர்களுக்கு அது ஒரு பெரிய விஷயமாய் தெரியவில்லை.

நபர் 1 : அவன் யாரு.. ஒரு குட்டிப் பய. அவனுக்காக இந்த ஆர்ப்பாட்டம் தேவையா ?

நபர் 2 : அவன் யாருன்னே தெரியாது. அரண்மனையில நூற்றுக்கணக்கான வேலைக்காரங்க உண்டு. இதுல ஒருத்தனைக் காணோம்னா என்னவாம் ?

நபர் 3 : ஆமா, அவனைத் தேடணும் கண்டுபிடிக்கணும்ன்னு சொல்றதெல்லாம் பைத்தியக்காரத் தனம்.

நபர் 4 : அவனால என்ன காரியம் ஆகப் போவுது ? அவன் செய்ற வேலைக்கு இன்னொரு ஆளை புடிச்சா போதும். என்ன பெருசா செய்றான் அவன் ?

நபர் 5 : அவனைப் பற்றி எதுக்கு இவ்ளோ கவலைப்படறாரு மன்னர் ? அவன் என்ன ராணுவ தளபதியா ?

நபர் 6 : அந்த பொடியனைப் பத்தி நாம இவ்ளோ நேரம் பேசறதே வேஸ்ட். அவன் ஒரு பொடிப்பய.

 

 

பின் குரல் 4 : எல்லோருக்கும் அவன் ஒரு சாதாரண சின்னப் பையன். ஆனா மன்னனைப் பொறுத்தவரை எல்லோரையும் போல தான் அவனும். தனது அன்புக்குரிய ஒருத்தரைக் காணோமேன்னு கவலைப்பட்ட மன்னர், தானாகவே குதிரையை எடுத்துக் கொண்டு பையனைத் தேடி போனார்.

நபர் 1 : மன்னர் எங்கே ? ஆளையே காணோமே ? வெளியே போயிட்டாரா ?

நபர் 2 : அந்த பையனைத் தேடி குதிரையை எடுத்துட்டு போயிட்டாராம். வேற வேலை இல்லையா அவருக்கு ?

நபர் 3 : அவரு மன்னர் தானா ? ஆட்சில இருக்கிற மன்னர் இப்படித் தான் பண்ணுவாரா ? என்னத்த சொல்ல ?

நபர் 4 : தனியாவா போயிருக்காரு ? யாரையாவது நாலு பேரை கூட்டிட்டு போயிருக்கலாமே !! இனிமே இவரும் காணாம போயிட்டா என்ன பண்றது ?

நபர் 5 : மன்னர் எங்கேயும் போயிருக்க வாய்ப்பு இல்லை. அவரோட பண்ணை வீட்ல போய் புக் வாசிச்சிட்டு இருப்பாருன்னு நினைக்கிறேன். அவரு எதுக்கு அவனை தேடணும் ?

நபர் 6 : நிஜமாவே அந்தப் பையனைத் தேடித் தான் போயிருக்காரா ? ஆச்சரியம் தான். என்னால‌ நம்பவே முடியலையே.

 

 

பின் குரல் 5 : கொஞ்ச நாளிலேயே அரண்மனையில் பழங்களுக்குத் தட்டுப்பாடு வந்தது. பழம் வாங்கி வருகின்ற பையன் இல்லாதது தான் காரணம். அப்போது தான் அவனுடைய முக்கியத்துவம் எல்லோருக்கும் புரிய ஆரம்பித்தது. அட அந்த பையன் எங்கேப்பா ? என எல்லோரும் தேட ஆரம்பித்தனர்.

நபர் 1 : அந்த பையன் இல்லாதது ஒரு குறை தான்.. இல்லையா ?

நபர் 2 : ஆமா.. ஆயிரம் தான் சொன்னாலும் அவனும் ஒரு நல்ல பையன் தான்.

நபர் 3 : ஆமா. .எங்கே போனானோ தெரியல. அவன் வந்தான்னா கொஞ்சம் பிரயோஜனமா இருக்கும்

நபர் 4 : ஆமா ஆமா… பழம் சாப்பிடாமலேயே நாம கிழம் ஆயிடுவோம் போல… நாக்கு ருசி கேக்குது.

நபர் 5 : அவனை கண்டுபிடிச்சாங்கன்னா நல்லா இருக்கும். சீக்கிரம் கிடைச்சான்னா இன்னும் நல்லது.

நபர் 6 : ஆமா.. அவனுக்கு ஆபத்து ஏதும் இல்லாம இருக்கணும். சுகத்தோட அவன் இருக்கணும்.

 

 

பின் குரல் 6 : அப்போது மன்னர் வருகிறார். கூடவே அந்த காணாமல் போன பையன். பழம் பறிக்க காட்டுக்குப் போன பையன் வழி தவறி எங்கேயோ போய்விட்டான். மன்னர் அவனைத் தேடிக் கண்டுபிடித்து குதிரையில் ஏற்றி கையோடு அரண்மனைக்கு கொண்டு வந்தார். எல்லோருக்கும் ரொம்ப சந்தோசம். மன்னர் ஒரு பெரிய பார்ட்டி வைத்தார். எல்லோரும் ஆனந்தமாய் ஆடிப் பாடிக் கொண்டாடினர்.

நபர் 1 : ரொம்ப சந்தோசமான விஷயம். காணாமப் போன பையன் கிடைச்சுட்டான்.

நபர் 2 : பார்ட்டி வைக்கிறது ரொம்ப சரி.. இதை விட என்ன பெரிய சந்தோசம் ?

நபர் 3 : நல்ல பையன் அவன். அவன் இருந்தா தான் வேலை நல்லா நடக்கும்

நபர் 4 : மன்னர் சூப்பர்… பையனைத் தேடிக் கண்டுபிடிச்சுட்டாரு. இப்படி ஒரு மன்னர் இருந்தா மக்களுக்கு கவலையே இல்லை.

நபர் 5 : ஆமா, சின்னவனோ பெரியவனோ, வலியவனோ சிறியவனோ, பணக்காரனோ ஏழையோ, ஆணோ பெண்ணோ மன்னரோட பார்வையில எல்லாருமே சமம்.

நபர் 6 : கரெக்டா சொன்னே… மன்னர் ரொம்ப நல்லவர். நாமும் அவரைப் போல இருக்க முயற்சி பண்ணணும்.

 

Leave a Reply

Your email address will not be published. Required fields are marked *