Top 10 தாதா படங்கள்

கேங்ஸ்டர் திரைப்படங்களுக்கு எப்போதுமே ரசிகர்கள் ஏராளம் உண்டு. அதனால் தான் சர்வதேச அளவில் எல்லா மொழிகளிலும் தாதா திரைப்படங்கள் கோலோச்சிக் கொண்டிருக்கின்றன. நாயகன், கபாலி என தமிழிலும் தாதா படங்கள் முத்திரை பதித்திருக்கின்றன. ஒவ்வொரு நாட்டின் தலை சிறந்த நூறு திரைப்படங்களை வரிசைப்படுத்தினால் அதில் நிச்சயம் சில தாதா திரைப்படங்கள் நிச்சயம் இருக்கும்.

தாதா படங்களின் முன்னோடி என ஹாலிவுட் படங்களைச் சொல்லலாம். அங்கே வரிசைகட்டி வந்த பல தாதா படங்கள் கல்லா கட்டியிருக்கின்றன. சர்வதேச அளவில் மறக்க முடியாத பத்து கேங்க்ஸ்டர் திரைப்படங்கள் இவை.

Image result for godfather

  1. காட்ஃபாதர்.

 

1972ம் ஆண்டு வெளியான திரைப்படம் காட்ஃபாதர். பிரான்சிஸ் ஃபோர்ட் கோப்போலா இயக்கிய இந்தப் படம் திரைப்படக் கல்லூரிகளில் பாடமாக இருக்கிறது. அமெரிக்காவின் டாப் 10 திரைப்படங்களில் எப்போதுமே இடம்பிடிக்கும் ஒரு படம் இது என்பது குறிப்பிடத் தக்கது.

மரியோ பூசோ எழுதிய நாவலின் அடிப்படையில் உருவான இந்தப் படம் தாதா படங்களின் அஸ்திவாரம் எனலாம். இந்தத் திரைப்படத்தின் பாதிப்பில் உலகெங்கும் பல்வேறு படங்கள் உருவாக்கப்பட்டன. இந்திய மொழிகளிலும் பல படங்கள் காட்ஃபாதர் படத்தின் பாதிப்பில் உருவாகியிருக்கின்றன. சுமார் 6 மில்லியன் டாலர் செலவில் உருவான இந்த படம் பாக்ஸ் ஆபீஸில் அள்ளிக் கொட்டியது சுமார் 250 மில்லியன் டாலர்கள். இதன் அடுத்தடுத்த இரண்டு பார்ட்களும் கூட பரவசப் படுத்தும் வகையிலேயே இருக்கின்றன. தாதா பட ரசிகர்கள் தவற விடக் கூடாத படம் இது.

Image result for Good Fellas

  1. குட் ஃபெல்லாஸ்

 

ராபர்ட் டி நீரோ ஹாலிவுட் நடிகர்களில் சிறப்பிடம் பிடித்தவர். அவருடைய நடிப்பில் உருவான படம் தான் குட் ஃபெல்லாஸ். அவருடன் ரே லியோட்டா, ஜோ பெஸ்கி மற்றும் பலர் நடித்திருந்தனர்.  1990ம் ஆண்டு வெளியான இந்தப் படம் தாதா படங்களில் சிறப்பிடம் பிடிக்கிறது. விமர்சகர்களின் ஏகோபித்த வரவேற்பு இந்தப் படத்துக்கு உண்டு. இந்தப் படத்தில் நடித்ததற்காக ஜோ பெஸ்கிக்கு ஆஸ்கர் விருது கிடைத்தது. 25 மில்லியன் டாலர்கள் செலவில் எடுக்கப்பட்டு சுமார் ஐம்பது மில்லியன்கள் இந்தப் படம் சம்பாதித்தது.

Image result for Road to perdition

  1. ரோட்  டு பெர்டிஷன்

 

டாம் ஹேங்க்ஸ் முதன்மைக் கதாபாத்திரத்தில் நடிக்க, ஹாலிவுட்டைக் கலக்கிய படம் இது. 2002ல் வெளியான இந்தப் படத்தை சேம் மென்டிஸ் இயக்கியிருந்தார். ஜேம்ஸ் பாண்ட் படங்களான ஸ்கை ஃபால், ஸ்பெக்ட்ரா போன்ற படங்கள் இவர் இயக்கியது தான். அமெரிக்கன் பியூட்டி படத்துக்காக சிறந்த இயக்குனருக்கான ஆஸ்கர் விருது வாங்கினார்.

ரோட் டு பெர்டிஷன் படத்தில் தாதா அம்சங்களுடன் தந்தை மகன் உறவையும் இணைத்து அழகாக படமாக்கியிருந்தார் இயக்குனர். சுமார் 80 மில்லியன் டாலர் செலவில் உருவாகி தயாரிப்பாளருக்கு 180 மில்லியன் டாலர்களைச் சம்பாதித்துக் கொடுத்தது இந்தப் படம்.

 

Image result for Casino movie 

  1. கேசினோ

 

மார்ட்டின் ஸ்கோர்ஸீ ஹாலிவுட்டில் தவிர்க்க முடியாத இயக்குனர். ஏவியேட்டர், டிபார்டட், ஷட்டர் ஐலன்ட் போன்ற சமீபத்திய படங்களுக்காக ஏகப்பட்ட ஆஸ்கார்களை அள்ளியவர். அவருடைய இயக்கத்தில் வந்த ஒரு அட்டகாசமான கேங்ஸ்டர் மூவி தான் கேசினோ. நிகோலஸ் பெலெஸ்கி என்பவரின் நாவலின் அடிப்படையில் இந்த படம் உருவாகியிருந்தது. ராபர்ட் டி நீரோ, ஷேரன் ஸ்டோன் மற்றும் ஜியோ பெஸ்கி ஆகியோர் முக்கிய கதாபாத்திரத்தில் நடித்திருந்தனர். சுமார் 50 மில்லியன் டாலர் செலவில் உருவாகி, சுமார் 120 மில்லியன்களை ஈட்டியது படம்.

Image result for pulp fiction

  1. பல்ப் பிக்ஷன்

 

1994ம் ஆண்டு வெளியான இந்த படம் பாக்ஸ் ஆபீஸில் பட்டையைக் கிளப்பியது. இன்றைய பணத்தின் மதிப்பீடு படி பார்த்தால் 50 கோடி ரூபாய் செலவில் எடுக்கப்பட்டு 1400 கோடி சம்பாதித்த படம் என சொல்லலாம். இந்தப் படத்தின் மேக்கிங் மிகப்பெரிய பாராட்டைப் பெற்றது.

ஜான் ட்ரவோல்டா, சாமுவேல் ஜாக்ஸன் இணை மிரட்டியது. ஏழு ஆஸ்கர் விருதுகளுக்குப் பரிந்துரை செய்யப்பட்டு ஒரு விருதை வாங்கியது. ஆஸ்கர் தாண்டி ஏகப்பட்ட விருதுகளை அள்ளிக் கொண்டது இந்தப்படம். காட்பாதர் போன்ற தாதா ஸ்டைலிலிருந்து முற்றிலும் மாறுபட்ட படம் இந்த பல்ப் பிக்ஷன். சினிமா ரசிகர்களுக்கான விருந்து.

Image result for little caesar film

  1. லிட்டில் சீசர்

 

ஹாலிவுட் திரைப்படங்களிலேயே முதன் முதலாக வெளியான ஒரு முழு நீள தாதா படம் இது தான். சுமார் ஒன்றே கால் மணி நேரம் ஓடக்கூடிய இந்தப் படம் 1931ம் ஆண்டு வெளியானது. ஹாலிவுட் கேங்ஸ்டர் படங்களின் டாப் பட்டியலில் எப்போதும் இதற்கொரு தனி இடம் உண்டு. மெர்வின் லி ராய் இந்தப் படத்தை இயக்கியிருந்தார். 1987ம் ஆண்டு மரணமடைந்த இவர் இன்றும் ஹாலிவுட் இயக்குனர்களின் வரிசையில் மிக முக்கியமான இடத்தில் இருக்கிறார்.

Image result for Scar face

 

  1. ஸ்கார்ஃபேஸ்

 

1932ம் ஆண்டு வெளியான படம் ஸ்கார்ஃபேஸ். அதே கதையை சுமார் 51 ஆண்டுகளுக்குப் பின் 1983ம் ஆண்டு அதே தலைப்பில் எடுத்தார்கள். முதல் படத்தில் பால் முனி நடித்திருந்தார். இரண்டாவது வெர்ஷனில் நடித்திருந்தவர் அல்பசினோ. இவருக்கு தாதா வேடங்கள் அல்வா சாப்பிடுவது போல. அதை காட்ஃபாதர் படத்திலும் நிரூபித்திருப்பார். அனாயசமான, இயல்பான மேனரிசத்தின் மூலம் பார்வையாளர்களைக் கட்டிப் போடுபவர் இவர்.

பிரையன் டி பல்மா இந்த படத்தை இயக்கியிருந்தார். மிஷன் இம்பாஸிபிள் படத்தை இயக்கி டாம் குரூஸை உச்சத்தில் அமர்த்தியதும் இவர் தான். ஸ்கார்ஃபேஸ் படத்தின் இரண்டு பதிப்புகளுமே தாதா படங்களில் மறக்கமுடியாத படங்களே.

Image result for White heat

 

  1. வயிட் ஹீட்

 

1949ம் ஆண்டு வெளியான இந்தப் படம் ஹாலிவுட் திரைப்படங்கள் பற்றி படிப்பவர்களுக்கு ஒரு பாடமாய் இருக்கிறது. ஒரு அக்மார்க் கேங்ஸ்டர் மூவி எனும் பெயரையும் நல்ல விமர்சனங்களையும் பெற்ற படம் இது. ரோல் வால்ஷ் இயக்கிய இந்தப் படம் அவருடைய திரைப்பட வரலாற்றில் மிக முக்கியத்துவம் வாய்ந்தது. அமெரிக்கன் ஃபிலிம் இஸ்ட்டிடியூட் வரிசைப்படுத்தும் டாப் 10 படங்களில் இந்தப் படமும் இடம் பிடித்திருக்கிறது.

Image result for Bonnie and Clyde

  1. போனி அன்ட் கிளைட்

 

எப்போதும் பாதுகாத்து வைக்கவேண்டும் என அமெரிக்கா பட்டியலிட்டுள்ள படங்களின் லிஸ்ட் ஒன்று உண்டு. அதில் இந்தப் படத்துக்கும் ஒரு சிறப்பிடம் உண்டு. ஆர்தர் பென் இயக்கிய இந்தப் படம் 1967ம் ஆண்டு வெளியானது.

சுமார் 2.5 மில்லியன் செலவில் எடுக்கப்பட்டு 70 மில்லியன் டாலர்களை அள்ளிக் கொட்டியது இந்தப் படம். எந்தக் காலத்திலும் கேங்க்ஸ்டர் மூவிகளுக்கான மரியாதை குறையாது என்பதற்கு இது ஒரு மாஸ்டர் கிளாஸ் உதாரணம். வேரன் பெட்டி இந்தப் படத்தில் முதன்மைப் பாத்திரத்தில் நடித்திருந்தார்.

Image result for City of God

  1. சிட்டி ஆஃப் காட்

 

பிரேசில் நாட்டில் உருவான ஒரு மிரட்டலான தாதா படம் இது. 2003ம் ஆண்டு சர்வதேச அளவில் இது ஆங்கிலம் பேசியபடி வெளியானது. பாலோ லின்ஸ் எழுதிய நாவலைத் தழுவி எடுக்கப்பட்ட படம் இது. மெக்ஸிகன் நடிகர்கள் நடித்திருந்த இந்தப் படம் ஹாலிவுட்டில் மிகப்பெரிய வரவேற்பைப் பெற்றது. மூன்று மில்லியன் போட்டு முப்பது மில்லியனை இது சம்பாதித்தது. பல ஆஸ்கார் விருதுகளுக்குப் பரிந்துரை செய்ப்பட்ட இந்தப் படம் ஆஸ்கர் விருதை வெல்லவில்லையெனினும் பல்வேறு உயரிய விருதுகளைச் சொந்தமாக்கியது.

 

 

 

 

 

 

 

Leave a Reply

Your email address will not be published. Required fields are marked *